SHPËRNDAJE

Roger Federer dhe Rafael Nadal sërish përballë njëri-tjetrit, njëjtë në finalen e “Australian Open”. Këtë herë përballja e tyre është ajo e 1/8 së finales në turneun “Masters” të “Indian Wells” në Miami.

Federer u kualifikua këtu pas fitores ndaj amerikanit Steve Johnson me rezultatin 2-0. Nuk ishte një ndeshje e lehtë për 35-vjeçarin, pasi u desh të zgjidhte fatin e të dy seteve me anë të “tie break”-ut, 7-6, 7-6.

Ndërsa Rafael Nadal u kualifikua pasi fitoi derbin spanjoll me Fernando Verdasco, me rezultation 2-0. Nadal e pati pak më të lehtë sepse regjistroj triumfin pas dy seteve 6-3, 7-5.

Një vend mes 16 më të mirëve siguroi edhe Novak Djokoviç, që eliminoi Juan Martin Del Potro 2-1. Djokoviç e fitoi setin e patë 7-5, por argjentinasi iu kundërpërgjigj në të dytin duke e fituar 6-4. Në setin final, Djokoviç e dominoi rivalin e tij duke e fituar atë 6-1.

U kualifikua për në 1/8-at e finaleve të “Indian Wells” edhe Kei Nishikori, që mposhti Gilles Muller me rezultatin 2-0. Japonezi ishte dominues në fushën e lojës dhe i mbylli të dy setet me të njëjtin rezultat 6-2. Kundërshtari i radhës së Nishikorit do të jetë amerikani Donald Young, që mundi francezin Pouille me rezultatin 2-1 me sete, 6-4; 1-6; 6-3.

PËRGJIGJU